夜校 - 廢校困獸之鬥

發布日期： 2023年10月18日

夜校 One Night at School

資料
發行:Screen Media / Just Distribution
導演:劉翁
主演:凌文龍、張天賦、吳肇軒、徐浩昌、黎學勤、葛民輝
級數:待定
片長:分鐘待定
上映日期:2023年11月2日

故事大綱

本是南轅北轍的三幫人卻巧合齊集在廢校裡。一幫是五名人氣女主播。她們被迫參與一個零成本賣座高流量直播節目，位於曲街的無人廢校是節目場景不二之選。城中黑幫醖釀著幫派大計，經過多番視察，黑幫決定以曲街廢校作為地點，碰巧在直播節目同日同時進行復仇。第三幫人從公眾殮房偷出城中的星加玻籍富翁的遺體。住在曲街的偷「屍」二人組坐擁地利，因為鄰近的廢校實在是好地點，既有難以被人發現的藏屍空間，也方便他們每日去檢查屍體狀態。二人打算向富翁家人索要三億等值的虛擬貨幣贖金。三幫人最初自己顧自己，卻因同日同時齊集在廢校裡，展開一場困獸之鬥⋯⋯

YOLO五位女主角之一，為Dior beauty , Armani beauty , 植村秀等品牌拍下不少廣告，近年是美容界寵兒的黃曦誼 (Candy) 近日忙於不停為新戲宣傳，《夜校》的故事圍繞喺荒廢學校發生，片中與MC張天賦有感情線，互相傾慕，問到Candy 怕唔怕惹來一眾「賦二代」羨慕又妒忌，她表示：「我覺得唔會，我相信賦二代們睇完齣戲之後，只會羨慕凌文龍前輩！」合作過後，Candy 對MC最深印象係：「佢好Nice，好活潑好有Energy，同埋真係好鍾意唱歌」

回想拍攝時的日子，Candy 表示：「大家係凌晨時間，喺又熱又焗嘅環境底下，又要跑又有各種動作，記得仲要我由第二日開始病到尾，愈拍愈瘦，係各種情況下進行拍攝，大家都有好多嘅挑戰，好難忘有趣，有呢個機會同經歷真係好難得，覺得好感恩。」 提到入行就遇到好多不同機會，Candy 再說：「我人生第一部嘅電影，至入行以嚟有幻想過會係各種類型嘅電影，不過從來無諗過係喜劇，雖然由細到大睇港產喜劇電影可以重覆睇無數次，但從來唔覺得自己有喜劇天份，所以都好高興有份參與其中！」

除了新戲值得期待，早前她更為Dear Jane新歌拍攝MV; 每之Dear Jane推出歌曲的MV都備受注目，繼之前找來鄧麗欣（Stephy)、柯煒林和小薯茄的吳冰出演，今次Candy為新曲〈浮床〉擔任女主角，更獻出螢幕初吻！

這次獲邀出演MV，Candy說：「我都一段時間冇拍MV，而今次MV有好多新嘗試，有甜蜜嘅戀愛，更有首次嘅吻戲同激烈嘅爭吵戲份。拍吻戲前覺得好緊張，我更要主動錫落游學修度，不過拍攝前導演Maggie同我都好做咗好多溝通，最後只需要兩take就順利完成。但印象最深刻並唔係接吻戲，而係要我掌摑阿修，因為我嘅性格係唔會出手果種人，但拍攝要我摑佢，結果我應該摑咗佢4,5次導演先收貨，喺度我都想同佢講聲唔好意思。」

資料提供:Light Hub Ltd.