《白日青春》首映禮

撰文: 編輯部 | 發布日期: 2023年03月27日

News

《白日青春》於今日 (3月27日) 晚上假圓方 Premiere Elements舉行首映禮,一眾台前幕後出席,包括於上年度奪得金馬獎「最佳新導演」及「最佳原著劇本」的導演劉國瑞、同屆奪得金馬影帝的男主角黃秋生、小演員林諾、飾演林諾戲中父母的潘文星及喬加雲,同為金像影帝的太保,以及火火、簡崇曦、Hussain Asif、趙伊禕、樊家俊等。眾多名人嘉賓亦到場支持 (排名不分先後):導演吳煒倫、導演賈勝楓、導演崔允信、導演張子丰、演員林善、伍詠詩、邱萬城、張晉雅、歌手黃衍仁、藝人Rose Ma、Natalie Ho @100毛、蔡玉玲。

早前《白日青春》於上年第59屆金馬獎 榮獲「最佳男主角」 (黃秋生),「最佳新導演」(劉國瑞)、「最佳原著劇本」(劉國瑞)、同時入圍「最佳劇情片」、「最佳新演員」 (林諾)、「最佳攝影」(梁銘佳),上年經已揚威海外!而今年亦入圍了第41屆香港電影金像獎「最佳編劇」(劉國瑞)、「最佳男主角」(黃秋生)、「最佳新演員」(林諾)、「新晉導演」(劉國瑞),未公映便有如此成績,實屬可喜可賀!

導演面對如此成就,心態卻非常謙虛:「可以同秋生哥合作雖然好緊張,但其實學到好多嘢,好似袋錢入我袋咁。其實依加香港都有好多好嘅作品上映緊,期望大家一齊入場支持。而且可以入圍金像獎就已經好開心!」 被問到創作原因,劉國瑞表示:「本來就好關注難民議題,長期接觸有團體,所以就想將佢地嘅故事拍成長片。」

面對現時香港電影票房不斷破紀錄,男主角黃秋生表示:「唔會預知道票房係幾多,因為好多嘢都係未知 ⋯⋯ 咁當然越高票房越好啦!」被問起金馬獎奪影帝獎項時攜同小演員林諾上台,黃秋生笑言:「佢 (林諾) 上次喺導演會拎最佳新演員嘅時候冇帶我上台,希望佢下次拎 (金像) 獎 可以帶我上台啦!」

小演員林諾首次踏足首映禮卻毫不怯場,當被問到內心是否非常激動時,他害羞地點頭回應。林諾表示:「個個都覺得秋生哥好驚,但佢對我好好,好似爸爸咁好溫柔,同埋教咗我好多嘢。我會應承秋生下次拎獎嘅時候一定會帶埋佢上台!」

資料提供: 高先電影