《12日》香港慈善首映禮

撰文： 編輯部 | 發布日期： 2023年04月27日

由本地製作有限公司出品及製作、只令發行有限公司香港發行、伍健雄監製、林愛華自編自導的電影《12日》、並由鄧麗欣和馬志威聯袂主演，將20年前經典愛情電影《12夜》的概念延續，以12章節道出一段夫妻關係。

昨晚假座九龍灣展貿中心EMAX中庭內舉行由君曦資產管理有限公司呈獻《12日》慈善首映禮，是次首映禮由君曦資產管理有限公司代表率先致詞，期望善款能幫助更多社會上的弱勢兒童和青少年，並宣佈捐出共十萬元及部份首映門票作籌款，用以給保良局作兒童及青少年發展用途，令社會上更多人受惠！而部份首映門票則由保良局陳黎惠蓮主席和譚毓楨副主席贊助，令昨晚首映禮更添額外意義。

首映禮亦邀得《12日》導演兼編劇林愛華分享拍攝《12日》在創作背後，以女性角度作出發的意圖，林導演道：「回歸十年嗰陣，電影《十分鍾情》搵咗10個導演每人拍10分鐘短片，我當年被委派拍舊山頂道嘅故事，我於是寫咗一個有關有錢夫婦嘅故事，拍完之後好鍾意，後來我就將兩個人物，發展成12個章節，成為了《12日》。香港女性電影好少，今次有呢個機會，就由女性去睇呢個現實生活，所以同《12夜》會有不同。不論男女觀眾，都可以代入女性角色，但就辛苦馬志威，應該會成為箭耙。」而兩位男女主角鄧麗欣和馬志威亦被邀請到台上分享拍攝感受，其中Stephy談及演繹Jeannie一角，從甜蜜演到傷痛崩潰的心情，她說：「有太多場戲都牽動我，我成日覺得一個好劇本可以帶動演員，我唔需要再加諸任何情緒，劇本已經帶動我走，《12日》裡面有幾場戲，睇劇本時已經睇到喊，因為《12日》精華咗十年感情，由開心到唔開心到無奈，所以去到劇本尾段，所有情緒鬱埋到最終要爆發，都係嚟自真心，由第一日拍攝累積出嚟，唔係點設計出嚟，所以多謝導演寫咗一個咁好劇本，俾咗一個咁好嘅發揮空間俾我。」至於馬志威接影帝級人馬謝君豪棒演繹大男人Simon一角，他坦言未感壓力，並說：「本身好欣賞謝君豪做戲，但唔同角色交俾唔同演員發揮會有唔同感覺，所以唔會有特別壓力喺度。」而戲中需要演繹大男人角色，他笑言：「都有少少憎戲裡面自己，講笑咋！我都分得清角色同本人，可能有啲性格唔係我嘅，但男人總有少少大男人嘅面貌，就將呢樣嘢放大咗，再放返落Simon呢個角色性格裡面。」。

最後由出品人兼監製伍健雄、與導演林愛華、主演鄧麗欣和馬志威聯同首映禮贊助君曦資產管理有限公司和受惠機構保良局代表聯手啟動首映禮儀式，電影中有份演出的袁富華、陳湛文和黃美芬亦到場支持並一起大合照，為是晚慈善首映禮圓滿完成。

資料提供: Spotlight Promotions Ltd.