《我的印度男友》Disney+上架

撰文： 編輯部 | 發布日期： 2022年04月23日

港產Bollywood電影《我的印度男友》剛登陸國際串流平台 Disney+ ，讓各地觀眾齊齊收睇，陪大家載歌載舞，將香港與印度共融的文化帶到更遠。導演Sri Kishore、主角成家宏 (Karan Cholia)、陳欣妍(Shirley)、主題曲《印度咖哩因乜呢》主唱旨呈都表示興奮。

導演Sri Kishore呼籲影迷上 Disney+ 睇《我的印度男友》：「如果你掛住戲院睇戲嘅感覺，立即上 Disney+ 同你最愛一齊睇《我的印度男友》。感謝 Disney+ 串流平台將我地嘅電影帶入每家每戶當中，特別多謝高登先 (Golden Scene) 無限量支持同鼓勵，令《我的印度男友》得以成功，由衷地感謝每一個支持呢套電影既人。」

男主角成家宏 (Karan Cholia) 對於這個消息十分震驚，更直指是人生里程碑：「一開始好震驚，收到幾個朋友missed calls，原來係想同我講《我的印度男友》出現喺Disney+。我覺得係人生里程碑，好開心咁多觀眾見到團隊付出嘅努力。感謝一直推動我向前嘅朋友同家人，我會繼續努力，想同大家講唔好放棄夢想，多謝。」

女主角陳欣妍 (Shirley) 在《我的印度男友》上架 Disney+ 後，獲大量網民私訊。對於有首部作品登上如此大的串流平台，感到驚喜又開心：「好開心《我的印度男友》上到 Disney+。前幾日收到好多 IG DM (Direct Messages)，有人Cap圖俾我先知電影上咗 Disney+ ，好驚喜好開心。我記得呢個作品係疫情初期拍，拍得好艱辛，係台前幕後好辛苦製作出嚟嘅作品。可以上到一個咁大嘅串流平台，等更多人可以睇到係好事。我覺得未來都應該係呢個走向，好開心有第一套作品登上 Disney+ ，希望以後可以接拍更多串流平台影集。」

主題曲《印度咖哩因乜呢》的主唱旨呈感謝 Disney+ 讓更多人欣賞到這首混合廣東話與印度曲風的破天荒嘗試：「主題曲《印度咖哩因乜呢》令更多人認識《造星3》後嘅旨呈，同時，如果代表香港嘅話，呢首係一首好特別，跨越廣東話同印度文化嘅電影主題曲，好希望大家透過呢首歌認識《我的印度男友》，亦感謝迪士尼俾機會更多人聽到呢首精心炮製嘅歌曲。雖然歌曲去唔到金像獎，但上到 Disney+ 都係好好成就，多謝迪士尼俾更多人認識到呢首主題曲。」

《我的印度男友》故事講述 Krishna (成家宏 飾) 早年跟⽗親從印度移居⾹港。他不喜歡⾹港，因為他在這裡被人歧視，家人又覺得他讀書不成，常常惹事生非，所以他不時嚷著要回印度。直至有天，他巧遇香港「女神」Jasmine (陳欣妍 飾) ，更發現對方是他的新鄰居，Krishna 對 Jasmine 一見鍾情，決定發奮力追 Jasmine，卻發現她早有個富裕男友 (張建聲 飾)。面對族裔歧視、文化差異、階級差異等等重重難關，到底Krishna 能否一一跨過，抱得美人歸？首部港產Bollywood 電影《我的印度男友》載歌載舞，有笑有淚，呈現香港與印度跨越族裔的浪漫愛情故事。

資料提供: 高先電影有限公司