《飯戲攻心2》X海洋公園「夜繽婚 訂FUN禮」

撰文： 編輯部 | 發布日期： 2023年11月06日

搶先公布2024年第一囍事，承接香港史上票房No.1喜劇《飯戲攻心》的勢頭，早前正式宣布開拍續集《飯戲攻心2》，「飯團」再度現身於2024跟香港市民見面！電影繼續由《飯戲攻心》陳詠燊（Sunny）執導兼編劇，除了首集原班人馬的「飯團」成員鄧麗欣（Stephy）、張繼聰、王菀之（Ivana）、林明禎、陳湛文及廖子妤外，新一集更招倈多位好戲之人「曬冷級」加入大家庭，如謝君豪、魏浚笙（Jeffrey）、何啟華（阿Dee）、 胡楓、羅蘭、米雪、蔣志光、黎彼得、凌文龍、余香凝、楊偲泳、胡子彤、林家熙、伍詠詩、黃呈欣等，位位各有份量，「飯團」家族聲勢浩大，人才濟濟。

由於《飯戲攻心2》有不少重要場口於海洋公園內拍攝，作為電影首個宣傳活動，昨日（11月3日）的「夜繽婚 訂FUN禮」當然要假海洋公園舉辦，六時恭候、七時行禮，陳氏一家親朋好友包括導演Sunny及一眾主演Stephy、阿聰、Ivana、明禎、陳湛文、豪哥、Jeffrey、阿Dee、修哥以及羅蘭姐齊齊現身見證。幾位主演Stephy、阿聰、Ivana、明禎及陳湛文早前於自己社交平台公開徵兄弟姊妹出席婚禮，引起一波觀眾討論，今次活動果然隆重邀請到100位兄弟姊妹，打造出史上最強百年好合兄弟姊妹團，見證今次飯戲「夜繽婚 訂FUN禮」及首支宣傳曲《飯宴歌》MV的啟動儀式。

訂FUN禮由大伯父胡楓帶領麻甩新娘Stephy進場掀起序幕，之後轉數快新郎張繼聰、廚神才女王菀之、哎吔大嫂林明禎、邪釘電競王陳湛文，加上小鮮肉Mark Gor魏浚笙、魚翅大王六叔謝君豪、瓣數多表弟Hugh何啟華及追星婆婆羅蘭一一進場，一齊啟動全新《飯戲攻心2》首支宣傳曲《飯宴歌》MV。

上集五位主角，Stephy、阿聰、Ivana、明禎及陳湛文，在台上就異口同聲表示自己角色今集成功「升呢」，大家都各有成長，加上有更多新人物參與，定必令電影更加精彩熱鬧。至於陳氏一家的大佬會否登場，Sunny導演就表示另有安排：「今集大佬就厲害喇，佢喺上集結尾聽咗媽媽話，『打開門、行出去、去遠啲』，去咗外國搵自己嘅人生目標，所以今集會圍繞同我哋大家一樣，繼續喺香港努力打拼緊嘅五位主角嘅成長同故事。今集內容係關於三個好重要嘅婚禮，三位女主角都會著住好靚嘅婚紗同大家見面，但至於新郎係邊個呢？大家就要到時睇吓喇！」

電影上集打破紀錄，成為香港史上票房No.1港產片喜劇，幾位主演就有分享對今集期望，Stephy表示：「上次無論電影的入面的愛，抑或觀眾都有帶給我哋好多溫暖，所以上次有入戲院睇嘅觀眾，期望今次都會入場支持我哋。」至於阿聰大讚今集劇本：「今集加強講我哋五個角色關係之間的成長，我覺得比上集更加感動，我自己好期待。」Ivana就先來個微劇透，指今集跟上集有很大分別：「上集全家人無出過去，喺間屋困住咗，今次就反而無返過屋企，所以大家都叫做成長咗，明白到家並非要個實質地方，而係可以用你的心和行動去維繫。」Peter更笑言今集既然講婚禮，叫觀眾準備人情入場，而明禎最後就來個總結：「我嘅期望係全部人都入戲院睇《飯氣攻心2》！」而儀式最後一眾演員在台前跟100位兄弟姊妹影全場大合照，之後再進行拋花球活動並宣告儀式禮成。

資料提供: 安樂影片